Agpakatengnga a bileg

Kadagiti relasion ti sangalubongan, ti agpakatengnga a bileg ket ti naturay nga estado a saan a kabilegan wenno nalatak a bileg, ngem adda pay met ti dakkel wenno kalalainganna nga impluensia ken sangalubongan a pannakabigbig. Ti konsepto ti "agpakatengnga a bileg" ket manipuden kadagiti taudan ti Europeano a sistema ti estado. Idi naladaw a maika-16 a siglo, ti managpanpanubot iti politika nga Italiano a ni Giovanni Botero ket biningbingayna ti lubong kadagiti tallo a kita ti estado – grandissime (dagiti imperio), mezano (dagiti agpakatengnga a bileg) ken piccoli (dagiti bassit a bileg). Segun kenni Botero,ti mezano wenno agpakatengnga a bileg "...ket addaan iti makaanay a kapigsa ken turay a bukod a makatakder nga awan ti pannakasapul iti tulong manipud kadagiti dadduma."^[1]